Thursday, September 29, 2011

ဝင်ရိုးပေါ်မှာ လည်တဲ့ လူလည်

အလွဲတစ်ချီတစ်မောင်းနဲ့
ကိုယ့်လမ်းကြောင်းကိုယ်..နွား လိုကျောင်းခဲ့ရသူ..။
မြို့ကြီးသူ မြို့ကြီးသားများ ပေါင်းကြံရင်
အရာရာ ပြောင်းပြန်လှန်အောင် အ တဲ့ ရွာသူ..။
နားဝေတိမ်တောင်
နားကန်း တစ်လုံးမှ မသိ
အမြဲ နားကားလေ့ရှိတဲ့ ငအူ..။
925 ရယ်၊ငွေရယ်၊ပလက်တီနမ်ရယ်က
သူ့မျက်စိထဲမှာ အတူတူ..။
အူလဲ အူပါရဲ့..။
လူတကာရဲ့ စကားလဲယုံတယ်..။
ကြုံသမျှကိုလဲ အကုန်ချပြီး..ပုံ..ပြတတ်တယ်..
ကဲ မခက်လား..။
ပါးရိုက်သွားရင်တောင် သွားကိုက်တာ လာစမ်းတယ် ထင်တဲ့သူ..။
ရုပ်ကလဲ ခပ်ဆိုးဆိုး..
ပုံစံက ထောင့်မကျိုး..။
ကိုယ့်ဝင်ရိုးပေါ်မှာတော့ ၂၃ ၁/၂ ဒီဂရီပြည့်အောင် ကိုယ့်ဖာသာ လည်တယ်..။


















Monday, September 26, 2011

မရေရာခြင်း


 အလင်းမဲ့  မှိုင်းပျမှုန်သီ....။


နားလည်မှုမှာ နရီတစ်ခုရှိတယ်.
 ကိုယ့်နရီ ကို ကိုယ်နားလည်ပါတယ်..အချစ်ရယ်..။

မေတ္တာဖွဲ့ကို သွန်းသီ.
ဘက်ညီတဲ့ ဟာမိုနီ ကိုတမြတ်တနိုး..
ချစ်ခြင်းကို အမြဲရိုကျိုးနေတဲ့ မွေးရာပါ စိတ်တစ်ခုနဲ့..။

တိမ်ရယ်..
စိတ်ကူးရယ်

လေရယ်
မျှော်လင့်မှုရယ်

သူ့ကတိတစ်လုံးနဲ့..သေတစ်ပန်သက်တစ်ဆုံး ငါ့အနာဂတ်ရယ်

တန်ဖိုးထပ်တူကျခဲ့ရတယ်...။

Monday, October 18, 2010

သောကြာနေ့က ရထား

သောကြာနေ့က ရထား
ဘူတာတစ်ခု အ၀င်မှားခဲ့တယ်

အော်သံတွေ ဆူတဲ့ရထား
ဘူတာထဲမှာလဲ စကားတွေများနေတယ်

ရထားကြီး အရောင်ကတော့ အဖြူပါကွဲ့..
ချစ်သူနဲ့ တို့နဲ့တောင် ငေးကြည့်မိသေး
ဒါပေမယ့်

ရထားကြီးက ခက်တယ်
စက်သံလဲ မညက်ဘူး
ဝရူး ၀ရူး ဆိုတော့လေ
ခရီးသည်တွေကလဲ မလေးမစား
ရထားကြီးခမျာ ..မခန့်ငြားဘူးပေါ့..
ရထားကြီးက စကားများတယ်
ရထားကြီးက တော်ကီပွားတယ်
အဲဒီ့ရထားကြီးက မသိရင် မယားကြီး တစ်ယောက်နဲ့တူတယ်
ကပေါက်တိကပေါက်ချာ
တမူးရှူးထိုး
အဲ
တစ်လမ်းထဲပဲ ရိုးရိုးသွားတယ်

ဆိုးသွားတာကတော့

တောက်...
အဲဒီ့သောကြာနေ့က ရထား
သူ့ဘ၀မှာ ဘူတာတစ်ခု အ၀င်မှားခဲ့တယ်...။